පරිසරය සුරැකීම සහ රුක් රෝපණයේ ඇති වැදගත්කම පිළිබඳව සම්මන්ත්‍රණ, වැඩමුළු, ශ්‍රමදාන, ප්‍රදර්ශන, සංවාද සහ පා ගමන් සංවිධානය කරමින් මහජනතාව දැනුවත් කිරිම.

 ඝන අපද්‍රව්‍ය කළමනාකරණ වැඩසටහන් යටතේ පරිසර දූෂණය සහ  කසළ ජනනය අවම කිරිම පිණිස  පළාත් පාලන ආයතනවල භාණ්ඩ හුවමාරු පොළක් හෝ  කසළ පොළක් සංවිධානය කරමින්  පරිසරයට කසළ බැහැරවීම අවම කිරීමත් අමතර ආදායමක් උත්පාදනය කර ගැනීමට කටයුතු කිරීම.

 රුක් රෝපණ වැඩසටහන් ක්‍රියාත්මක කිරිමත් රෝපණය කරන ලද වෘක්ෂ රැක බලා ගැනීම හා ඒවාට සාත්තු කිරිම සඳහා නියමිත පරිදි වගකීම් පවරා  අවශ්‍ය ක්‍රියාමාර්ග ගැනීම.

 නාගරික ප්‍රදේශවල හරිත වන තීරු, පරිසර මාවත් සහ ගංඟා ඇළ දොළ, වැව් ඉවුරු සහ සංරක්ෂිත භූමි, හඳුනාගෙන ඒවා සංරක්ෂණය කිරීමට රුක් රෝපණය යොදා ගැනීම සහ විශේෂයෙන් වෙරළ සංරක්ෂණ වැඩසටහන් ක්‍රියාත්මක කිරීම.

පොලිතීන්, ප්ලාස්ටික් අපද්‍රව්‍ය ජනනයවීම අවම කිරිමේ දැනුවත් කිරිම් සහ  ප්‍රතිචක්‍රීකරණය කළ හැකි අපද්‍රව්‍ය රැස් කර එමඟින් අමතර ආදායම් උත්පාදනය කර ගැනිමේ ක්‍රියාමාර්ග ගැනීම.

ඉලෙක්ට්‍රොනික අපද්‍රව්‍ය පිළිබඳව මහජනතාව දැනුවත් කර ඒවා පරිසරයට බැහැර කිරීම අවම කිරීම සඳහා අපහරණය කිරිම පිණිස  රැස් කර තබා ගැනීම සහ ඒවා විධිමත්ව බැහැර කිරීමට අවශ්‍ය ක්‍රියාමාර්ග ගැනීම.(මධ්‍යම පරිසර අධිකාරිය දැනුවත් කරමින්)

3R ක්‍රමය (Reduce, Reuse, Recycle) භාවිතා කරමින් කසළ වෙන් කර ලබා ගැනීම සඳහා ප්‍රජාව දැනුවත් කරමින් කසළ අපහරණ කටයුතු විධිමත් කිරිම.

 ගෘහස්ථ කසළ කළමනාකරණ විධික්‍රම ජනතාව අතරට රැගෙන යමින් ගෘහස්ථ කොම්පෝස්ට් බදුන් භාවිතය ප්‍රචලිත කර එම නිෂ්පාදිත කොම්පෝස්ට් පොහොර භාවිතයෙන් කුඩා ගෙවතු නිර්මාණය කිරීම සඳහා මහජනයා පෙළඹවීම හා දැනුවත් කිරීමේ වැඩසටහන් ක්‍රියාත්මක කිරීම.